لو بتحضّري لحفلة خطوبتك وقررتي تعمليها في البيت، فدي فرصة حلوة تخلي اليوم شكله مميز ومليان فرحة وفي نفس الوقت بتكلفة بسيطة.

في المقال ده، هقولك على خطوات تنظمّي بيها خطوبتك بطريقة أنيقة وسهلة:

1. اختاري ثيم أو لون معين:

ابدئي بتحديد ألوان الحفلة زي الذهبي × الأبيض، أو الوردي × البيج. لما تختاري ألوان محددة، بتسهّل عليكِ اختيار كل حاجة من أول الزينة لحد اللبس والتفاصيل.

2. جهزي ركن للخطوبة:

اعملي ركن بسيط للتصوير والكوشة. ممكن تستعملي ستارة لونها ناعم، شوية ورد صناعي، واسمك واسم خطيبك بخط كبير.

لو مش هتقدري تجيبي ديكور جاهز، ممكن تعملي  (زينة يدوية) من ورق الكانسون أو الفوم.

3. الطاولة الرئيسية:

رتّبي طاولة صغيرة فيها:

• التورتة أو جاتوه بسيط
• شموع صغيرة
• فازات ورد
• حلويات أو سناك خفيف

4. الموسيقى والخطوبة نفسها:

شغّلي أغاني رايقة وقت التقديم، ولما يحصل لبس الدبل أو الشبكة، خلي اللحظة دي تبقى في مكان واضح قدام كل الناس أو حتى في ركن التصوير.

5. توزيعات بسيطة:

اعملي أكياس صغيرة فيها شوكولاتة أو شموع أو ورد مجفف، ومعاها كارت مكتوب عليه "فرحتي كملت بوجودكم".

شاهدي بالفيديو تفاصيل حفلة الخطوبه اللي اتكلمنا عنها